Santyago markazida namoyishchilar soni millionga yaqinlashdi. Bu haqda Chili poytaxti meri Karla Rubilar ma’lum qildi, deya xabar beradi “RIA Novosti”.
“Chili tarixiy voqeani boshdan kechirmoqda. Poytaxtdagi tinch namoyishga millionga yaqin kishi yig‘ildi. Mamlakatga ko‘proq muloqot va tinchlik marshlari kerak”, — deb yozgan mer Twitter’dagi sahifasida.
Chililiklar bugun mamlakat tarixidagi eng katta namoyishni o‘tkazish uchun ko‘chalarga chiqdi. Ommaviy chiqishlarga metroda qatnov narxi oshgani turtki bo‘ldi.
Shuningdek, aholi bepul ta’lim va tibbiy xizmat olish kafolatlanmagani, maoshlar pastligi, narx-navo esa oshib borayotganidan norozi bo‘lmoqda.
Izoh (0)