Венецияда бир неча кун бўлган исроиллик 46 ёшли сайёҳ Риальто кўприги атрофидаги валюта алмашиш пунктини аёл ходими билан гаровга олди. Бу ҳақда Meduza хабар берди.
Манбага кўра, сайёҳ валюта алмашиш пунктига келиб, шу ерда ишловчи аёл ходимга 100 долларни еврога алмаштириб беришини сўрайди. Бироқ, у олинган суммадан қониқиш ҳосил қилмай, операцияни бекор қилишни талаб этади. Бунга ҳам кифоя қилмай, алмашиш пункти ходими билан хонага қамалиб олади.
Исроиллик турист пардаларни тушириб, аёлга ярим соатдан кўпроқ чиқишга изн бермагани айтилмоқда. Шунга қарамай пулни қайтара олмайди. Унга одам ўғирлашга уринишда айблов эълон қилинди.
Изоҳ (0)