MBC News Эрон хакерларининг Баҳрайн футбол федерациясининг расмий сайтига «бузиб кириш»ни амалга оширганликларини хабар қилди.
Ушбу ҳодиса баҳрайнлик футбол мухлисларининг 15 октябрда Манамада ўтган Жаҳон чемпионати-2022 саралаш учрашуви вақтида Эрон мадҳиясига нисбатан ҳурматсизлик қилгани ва уни ҳуштаквозлик билан қарши олгани сабаб бўлган.
«Биз Эрон шаънига айтилган ҳар қандай ҳақоратни жавобсиз қолдирмаймиз. Эронликлар ҳақоратни жим туриб қарши оладиган халқ эмас. Эрон миллий мадҳиясини эшитмаган бўлсангиз, энди уни тинглашга мажбур бўласиз», — деган ёзув қолдирган форс хакерлари Баҳрайн футбол федерациясининг расмий сайтида.
Эрон ҳамда Баҳрайн терма жамоалари ўртасида ўтган Жаҳон чемпионати – 2022 саралаш учрашувида форслар рақибга 0:1 ҳисоби билан имкониятни бой берган.
Мавзуга доир: Ўзбекистон пешқадам, Эрон ниҳоят тўхтатилди ва корейсларнинг муросаси. ЖЧ—2022 саралаши гуруҳларидаги вазият
Изоҳ (0)