Барселонадаги норозилик намойишлари сабаб Испания чемпионатининг 10-туридан ўрин олган «Барселона» — «Реал» учрашувини бошқа кунга кўчириш борасида музокаралар бўлиб ўтмоқда, дея хабар қилмоқда Mundo Deportivo.
Ла Лига раҳбарияти тижорий масалаларни кўзлаган ҳолда ўйинни дам олиш кунида мақсад қилган ва учрашувни 7 декабрда ўтказишни таклиф қилган. Испания футбол федерацияси мусобақалар ўтказиш бўлими эса ўйинни 18 декабрь, чоршанба кунига кўчиришни таклиф этган.
Эслатиб ўтамиз, Примера 10-туридан ўрин олган баҳс 26 октябрь куни Барселонадаги «Камп Ноу» стадионида бўлиб ўтиши керак эди.
Мавзуга доир: Барселонада каталониялик сиёсатчиларнинг қамоқ жазосига ҳукм қилинишига қарши оммавий намойиш бошланди (фото)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)