Ўзбекистон футбол ассоциацияси «Ифтихор» ва «Раш Милк» футбол клубларининг лицензиясини олиб қўйди.
Баёнотда таъкидланишича, мазкур икки клуб келишилган алоқадор эканлиги аниқланган.
«Ўзбекистон футбол ассоциацияси Осиё футбол конфедерацияси билан ҳамкорлик натижасида «А» Про-лига иштирокчиси «Ифтихор» ҳамда «Б» Про-лигада иштирок этиб келаётган «Раш Милк» футбол клубларининг келишилган ўйинларга алоқадор эканлиги, шунингдек, Регламент талабларини қўпол равишда бузиб келаётгани аниқланди.
Шу сабабдан ЎФАнинг Интизом ва одоб-аҳлоқ ва Лицензиялаш қўмиталарининг қарорига асосланиб ПФЛ томонидан 2019 йилги мавсумда «Раш Милк» футбол клубига Ўзбекистон чемпионатининг «Б» Про-лигада, «Ифтихор» футбол клубига эса «А» Про-лигада иштирок этиш учун берилган лицензияларнинг амал қилиши тугатилди ва ушбу икки клуб мусобақалардан четлаштирилди», — дейилади баёнотда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)