«Ростов» клуби ва Ўзбекистон терма жамоаси ҳужумчиси Элдор Шомуродов Хитойга йўл олиши мумкинлиги ҳақидаги хабарларга изоҳ бериб ўтди.
— Карпин ўтган ёзда «Ростов»нинг исталган футболчисини 50 миллион еврога сотиб юборишга тайёр эканини таъкидлаганди. Сиз айни дамда ўзингизни қанчага баҳолаган бўлардингиз?
— Мен баҳо беришни истамайман, айниқса ўзимга. Бу билан шуғулланадиган мутахассис ва экспертлар бор, келинг улар баҳо бера қолсин.
— Сизга немис ва Хитой клубларидан таклиф борлиги ҳақида маълумотлар тарқалди. Бу ҳақида бирор нима биласизми?
— Буни аввало клубим «Ростов»га бериш керак. Шахсан менга ҳеч нарса аён эмас.
— Эшитишимча, сиз ҳар қандай пул таклиф қилинмасин, 30 ёшдан аввал Хитойга кетмайсиз. Бу ростми?
— Ҳа, ҳақиқатдан ҳам шундай. Бу ёшдан аввал у ерга кетмоқчи эмасман.
— Агар сизга Россия топ-клуби ва Европанинг ўртамиёна клубидан таклиф тушса, қайси бирини танлар эдингиз?
— Албатта, Европани, — деди Шомуродов.
Маълумот учун, Шомуродов Россия чемпионатида 10 та гол билан тўпурарлар рўйхатида Александр Соболев билан пешқадамликни бўлишиб турибди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)