12 октябрь куни АҚШнинг Чикаго шаҳрида бўлиб ўтган бокс оқшомида USBA минтақавий камари учун рингга чиққан Патрик Дэй рақиби Чарльз Конвеллдан 10-раундга келиб, чуқур нокаутни қабул қилиб олганди.
Дэй жангдан сўнг кома ҳолатига тушиб қолган. Натижада Патрик кома ҳолатидан ҳушига келмади ва 17 октябрь, пайшанба куни вафот этди. Бу ҳақда WBC сайтида хабар берилди.
Қайд этилишича, Патрик Дэй бош мия суягидан олган жароҳати сабаб вафот этган. У 27 ёшда эди.
Маълумот учун, ўша кунги бокс оқшомининг асосий жанги оғир вазн тоифасида Олександр Усик ҳамда Чезз Уизерспун кечиб, унда украиналик боксчи ғалаба қозонганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)