12-oktabr kuni AQShning Chikago shahrida bo‘lib o‘tgan boks oqshomida USBA mintaqaviy kamari uchun ringga chiqqan Patrik Dey raqibi Charlz Konvelldan 10-raundga kelib, chuqur nokautni qabul qilib olgandi.
Dey jangdan so‘ng koma holatiga tushib qolgan. Natijada Patrik koma holatidan hushiga kelmadi va 17-oktabr, payshanba kuni vafot etdi. Bu haqda WBC saytida xabar berildi.
Qayd etilishicha, Patrik Dey bosh miya suyagidan olgan jarohati sabab vafot etgan. U 27 yoshda edi.
Ma’lumot uchun, o‘sha kungi boks oqshomining asosiy jangi og‘ir vazn toifasida Oleksandr Usik hamda Chezz Uizerspun kechib, unda ukrainalik bokschi g‘alaba qozongandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)