Туркия қуролли кучлари Сурия шимолидаги операция вақтида Кобани шаҳридаги америкалик ҳарбийларга ҳужум уюштиришдан манфаатдор бўлган, деб хабар қилмоқда АҚШ администрациясидаги манбаларига таяниб The Washington Post.
Нашрнинг АҚШ ҳукуматидаги манбаларига кўра, Туркия АҚШ ҳарбийларини Сурия чегарасидан узоқлаштирмоқчи бўлган, сабаби турклар аввал режа қилингандан кўра кўпроқ ҳудудда ўз назоратини ўрнатишга интилмоқда.
Исмини ошкор қилмаган турк ҳарбийсининг маълум қилишича, ҳаво ҳужуми 155 миллиметрлик снарядлар билан амалга оширилган. Шунингдек, нашр Анқаранинг америкалик ҳарбийларнинг жойлашувидан бохабар бўлганлиги сабаб АҚШ қўшини Сурияда бир неча ойлардан бери жойлашиб олганига урғу берган. Бошқа маълумотларга кўра, АҚШ турк томонига ҳарбийлар жойлашган ҳудуд тўғрисида ахборот берган ва ҳужум улар кутилганидан кўра яқинроқ оралиқда бўлгани сабабли уюштирилган бўлиши мумкин.
12 октябрда Туркия томонидан АҚШ махсус кучлари жойлашга ҳудуд яқинига ҳаводан ҳужум уюштирилгани хабар қилинган. Америка ҳарбийлари бунга жавоб қайтармоқчи бўлган, аммо турк армияси ҳужумни тўхтатгач ушбу фикрдан қайтган. CNN телеканали америкалик ҳарбийлар турклар томонидан ўққа тутиш натижасида жабрланмаганини маълум қилган.
Мавзуга доир:
Изоҳ (0)