12 октябрь куни Япониянинг Хонсю оролига «Хагибис» тўфони ёпирилди, деб хабар беради «РИА Новости».

Фото: Reuters

Таъкидланишича, тўфон марказидаги босим 945 гектопаскални, шамол тезлиги эса сониясига 45—65  метрни ташкил этган.

Фото: Reuters

Сўнгги маълумотларга кўра, 19 киши ҳалок бўлган ва 16 киши бедарак йўқолганлар сафида.

Фото: Reuters

Токиода шамол тезлиги сониясига 41,5 метрга етган. Бу эса юк машинасини ағдариб юбориш ва дарахтларни қўпориш учун етарли.

Фото: Reuters

12 та префектурада, жумладан, Токиода ҳам юқори даражадаги тошқин хавфи эълон қилинган. Бу каби энг юқори хавф даражаси нафақат шаҳарлар атрофида, балки барча 23 та марказий туманларда ҳам эълон қилинган.

Фото: Reuters

Маҳаллий ҳукумат 11 миллион японияликка ўз уйларини тарк этишни тавсия қилган. Эвакуация эълон қилиниши инсонлар соғлиғи ва ҳаёти учун бевосита хавф борлигини англатади.

Фото: Reuters

Нагано шаҳрида икки уйда жойлашган 160 одам сув қуршовида қолиб кетган. Худди шу каби вазият Саитама префектурасида ҳам содир бўлган.

Фото: Reuters

Кучли шамол оқибатида электр узатиш тармоқлари узилиб кетган. Маҳаллий ҳукуматнинг маълумотларига кўра, 376 минг уй электр энергиясиз қолган.

Фото: Reuters

Мамлакатнинг асосий метеорологик агентлигининг маълум қилишича, мазкур тўфоннинг кучи ва етказадиган зарари 1958 йилда содир бўлган «Ида» тўфонига қиёсланмоқда. Ўшанда ҳам юзлаб одам ҳалок бўлган.

Фото: Reuters

Авиакомпаниялар олдиндан юзлаб рейсларни бекор қилган, темир йўл компаниялари ҳаракат тўхтатилганини билдирган.