Покистон бош вазири Имрон Хон Туркия президенти Ражаб Тоййиб Эрдўғон билан телефон орқали сўзлашув вақтида Анқарани Сурияга нисбатан тажовузкор ҳаракатларда қўллаб-қувватлашини маълум қилди, деб ёзмоқда Regnum.
«Покистон Туркия дуч келаётган таҳдидлар ва чорловлардан хабардор. Мамлакат терроризм сабаб 40 минг нафар одамини йўқотган», — дея таъкидлаган Покистон бош вазири.
«Покистон Туркиянинг ушбу ҳаракатларини маъқуллайди ва ўз эҳтиромини изҳор этади», — дея қайд этган Имрон Хон телефондаги суҳбатда.
Туркия 9 октябрь, чоршанба куни Сурия шимоли-шарқидаги курд жангариларига қарши ҳарбий ҳаракатларни амалга оширишни бошлади. Анқара қўшни давлат ҳудудидаги «Сурия демократик кучлари» курдлар гуруҳини террорчилар эканини билдириб уларга қарши уруш эълон қилган. АҚШ, Европа иттифоқи, Миср, Ироқ, Эрон, Франция, Германия, Бельгия, Буюк Британия, Польша ва Эстония Туркиянинг ушбу ҳаракатларини қоралаган.
Изоҳ (0)