АҚШ давлат департаментининг юқори лавозимдаги амалдори журналистларга берган маълумотида Туркиянинг Сурия ҳудудидаги ҳарбий ҳаракатлари ҳали расмий Вашингтон санкция қўллайдиган даражага чиқмаганлигини маълум қилди. Бу ҳақда «РИА Новости» хабар берди.
Департамент вакилининг сўзларига кўра, Туркиянинг ушбу ҳаракатлари «қизил чизиқни босиб ўтиш» даражаси учун камлик қилади.
АҚШ миллатчилик натижасида оммавий қирғиннинг амалга оширилиши ёки тинч аҳоли вакилларига ҳужум қилиб уларни қириб ташлаш билан боғлиқ ҳолатларга нисбатан санкция қўллаши мумкин. Департамент вакилининг айтишича, Туркиянинг ҳаракатларида бундай белгилар кузатилмаган.
Аввал АҚШ президенти Дональд Трамп Вашингтон «ушбу ҳужумни оқламаслигини ва операция ёмон фикр эканлиги Туркияга тушунтирилган»ини таъкидлаганди.
Изоҳ (0)