Космонавт Алексей Леонов 85 ёшида ҳаётдан кўз юмди. 1965 йил мартида Леонов очиқ космосга чиққан илк инсонга айланган эди. У 1975 йили иккинчи марта фазога парвоз қилиб, СССРнинг «Союз» ва АҚШнинг «Аполлон» космик кемаларини туташтиришда қатнашган.
Алексей Леонов 1970 йилдан 1991 йилга қадар Космонавтларни тайёрлаш маркази раҳбари ўринбосари лавозимида ишлаб келган.
Пенсияга чиққанидан сўнг тижорат ташкилотлари билан ҳамкорлик қилган, масалан, «Алфа-банк» директорлар кенгаши раиси биринчи ўринбосари маслаҳатчиси, шунингдек, Баринг Восток фондининг маслаҳат кенгаши аъзоси бўлган.
Бундан ташқари, Леонов рассом сифатида ҳам танилган эди. Хусусан, у 1967 йили космос мавзусида чиқарилган почта маркалари сериясига муаллифлик қилган, деб ёзади Meduza.
Изоҳ (0)