Россиянинг Пермь шаҳрида 17 август куни шаҳар автобуси ЙТҲга учраб бинога урилган эди. Оқибатда бир одам ҳодиса жойида вафот этган, 32 дан ортиқ шахс жароҳат олган. Машғулотга кетаётган Данил Йўлдошев тўхтаб, уларга ёрдам берганди. У қийшайиб кетган орқа эшикларни бузиб, автобусдан одамларни олиб чиққан ва ўтиб кетаётган машиналар ҳайдовчиларидан жароҳатланганларни касалхонага олиб боришни сўраган. «Тез ёрдам» келганидан сўнг ҳам шифокорларга ёрдам беришда давом этган.
Тошкентда ўсиб улғайган, оилавий шароитлар сабаб Россияга йўл олиб, бир неча йиллар мобайнида ўша ерда истиқомат қилиб келаётган Данил Йўлдошев Ўзбекистон Меҳнат вазирлиги жамоасига қабул қилинди, деб хабар беради вазирлик матбуот хизмати.
«Фаол фуқаролик позициясига эга Данил Йўлдошев каби ёшлар ёрдамида ҳуқуқий-демократик давлат барпо этиш мумкин. Шунинг учун ҳам Россия Данилга ўз фуқаролигини таклиф қилди. Бироқ у ўзини туғилган юртининг ривожи учун жавобгар билади. Мана шу ниятини амалга ошириш, ўзини, имкониятларини кўрсацин дея Бандлик ва меҳнат муносабатлари вазирлиги Данил Йўлдошевни ўз сафига қўшди, уни ишга қабул қилди.
Ўйлаймизки, унинг фаол фуқаролик позициясига эга экани, ҳаракатчанлиги, энг муҳими, атрофида содир бўлаётган ҳодисаларга бефарқ эмаслиги фаолияти давомида асқатади», — дейилади хабарда.
Изоҳ (0)