Самарқанд вилоятининг Тойлоқ ва Иштихон туманларида суд учун янги бинолар фойдаланишга топширилди. Бу ҳақда «Дарё»га Олий суд матбуот хизмати хабар берди.
Маълум қилинишича, Тойлоқ туманидаги бинога 7 миллиард сўм, Иштихон туманидаги бинога эса 6 миллиард 139 миллион сўм сарфланган.
Таъкидланишича, тўртта суднинг бир бинода фаолият юритиши Ўзбекистонда биринчи маротаба кузатилмоқда.
Ҳар икки бинода тумандаги жиноят, фуқаролик ишлари ва маъмурий суд, шунингдек, туманлараро иқтисодий суд фаолият юритади.
Шунингдек, ҳар бир суд учун белгиланган тартиб бўйича маъмурий хоналар, суд заллари, фуқароларни қабул қилиш учун махсус хоналар ажратилган.
Тойлоқ туманидаги бинода ўрнатилган инфокиоск орқали фуқаролар ўзлари даъво аризасини киритиши, суд ҳукмидан нусха олиши мумкин.
«Иштихон туманидаги бинода видео конференция алоқаси мавжудлиги, суд қабулхонасида она-бола хонаси фаолияти йўлга қўйилган», — дейилади хабарда.
Изоҳ (0)