Самарқанд вилоятининг туризм салоҳиятидан самарали фойдаланиш ва уни ривожлантириш бўйича қўшимча чора-тадбирлар тўғрисида ҳукумат қарори қабул қилинди. Бу ҳақда «Ҳуқуқий ахборот» канали хабар берди.
Вазирлар Маҳкамасининг 30 сентябрда қабул қилинган ушбу қарорига мувофиқ, 2019 йил 1 октябрдан бошлаб UNESCO рўйхатига киритилган ҳудудлардан ташқари Самарқанд шаҳридаги ер участкалари меҳмонхоналар қуриш учун «E-ijro аукцион»орқали жисмоний ва юридик шахсларга тақдим этилади.
Мавзуга доир: Самарқандда туристик марказ қурилиши бошланди
Қарорга кўра:
- «Боғи баланд» ва «Боғи Шамол» боғлари жойлашган жойни аниқлаш орқали қайта ташкил этилади ва тарихий қиёфаси қайта тикланади;
- «Шероз қалъа», «Добуссия», Ревдат шаҳарчаси – Кофир қалъа, Афросиёб шаҳарчасидаги археологик ёдгорликлар UNESCO билан келишиган ҳолда реставрация қилинади;
- Археологик ёдгорликлар ҳудудида «очиқ осмон остидаги» музейлар ташкил қилинади ва ташриф буюрувчиларни электрон ҳисобга олиш тизими жорий этилади.
Изоҳ (0)