“Registon” kompleksi turizm mavsumi davomida har kuni yarim tungacha ishlaydi

Samarqand viloyatining turizm salohiyatidan samarali foydalanish va uni rivojlantirish bo‘yicha qo‘shimcha chora-tadbirlar to‘g‘risida hukumat qarori qabul qilindi. Bu haqda “Huquqiy axborot” kanali xabar berdi.

Vazirlar Mahkamasining 30-sentabrda qabul qilingan ushbu qaroriga muvofiq, 2019-yil 1-oktabrdan boshlab UNESCO ro‘yxatiga kiritilgan hududlardan tashqari Samarqand shahridagi yer uchastkalari mehmonxonalar qurish uchun “E-ijro auksion”orqali jismoniy va yuridik shaxslarga taqdim etiladi.

Qarorga ko‘ra:

• “Bog‘i baland” va “Bog‘i Shamol” bog‘lari joylashgan joyni aniqlash orqali qayta tashkil etiladi va tarixiy qiyofasi qayta tiklanadi;
• “Sheroz qal’a”, “Dobussiya”, Revdat shaharchasi – Kofir qal’a, Afrosiyob shaharchasidagi arxeologik yodgorliklar UNESCO bilan kelishigan holda restavratsiya qilinadi;
• Arxeologik yodgorliklar hududida “ochiq osmon ostidagi” muzeylar tashkil qilinadi va tashrif buyuruvchilarni elektron hisobga olish tizimi joriy etiladi.