Ўзбекистонда маҳаллий ундан қолипли нон ишлаб чиқарувчилар 2020 йилнинг 1 июлидан ҚҚСдан озод этилади, деб хабар бермоқда «Gazeta.uz».
Бу Вазирлар Маҳкамасининг 30 сентябрдаги «Донни қайта ишловчи корхоналар ва қолипли нон ишлаб чиқарувчиларни янада қўллаб-қувватлаш чора-тадбирлари тўғрисида»ги қарорида кўзда тутилган.
Қайд этилишича, бу донни қайта ишлаш корхоналарини қўллаб-қувватлаш ва нархлар кўтарилишини олдини олиш учун амалга оширилмоқда.
1 октябрдан бошлаб импорт қилинган ва импортда ҚҚС солинган донни қайта ишловчи корхоналар солиқ солинадиган ҚҚС айланмасини Солиқ кодексида белгиланган тартибда аниқлайдилар.
Эслатиб ўтамиз, Ўзбекистонда «буханка» нон 2018 йилнинг 15 сентябридан бозор нархида сотилиши бошланган ва шу йили нархи энг кўп ошган маҳсулот бўлганди.
Изоҳ (0)