Хитой янги гипертовуш тезлигига эга бўлган қанотли ракета DF-100 («Дунфэн-100») ёки CJ-100’ни намойиш этди, деб хабар бермоқда «РИА Новости».
Ракета Хитой Халқ Республикаси ташкил топганлигининг 70 йиллиги муносабати билан ўтказилган парадда кўрсатилган. Ушбу парадга Хитой Халқ озодлик армиясидан қарийб 15 минг аскар, 580 дона техника, 160 самолёт ва вертолётлар жалб этилган.
Аввалроқ парадда намойиш этилган ракеталар АҚШ ва унинг иттифоқдошлари томонидан кенг йўлга қўйилган барча ракеталарга қарши қалқонларни тешиб ўтишга қодирлиги хабар берилганди.
Маълумот учун, Хитой Халқ озодлик армияси мамлакатдан 22 йил аввал ташкил топган, аммо Хитойга асос солиниши билан ХХОА тарихида ривожланишнинг янги давр бошланди ва биринчи ҳарбий парад республика мустақаллиги эълон қилинган 1949 йилда ўтказилган. Шундан буён ҳарбий парадлар Хитой фуқаролари учун ҳам, бошқа давлатлар учун ҳам харбий кучи ва ривожини намойиш этишнинг муҳим элементига айланди.
Изоҳ (0)