Экспертлар АҚШ нефть қазиб олиш соҳасини аянчли келажак кутаётганини маълум қилди

Сланес нефтини қазиб олиш бўйича Америка корхоналарининг муаммоси структуравий характерга эга бўлиб, баррел нархининг ўн долларга кўтарилиши ҳам уни ҳал этмайди. Бу ҳақда экспертлар фикрига таяниб, The Wall Street Journal хабар берди.

Энергетика вазирлигининг маълумотларига кўра, жорий йилнинг дастлабки олти ойи ичида АҚШда нефть қазиб олиш салкам бир фоизгагина ўсган, бутун йил давомида эса ушбу кўрсаткич қарийб етти фоизга тенг.

Кўрсаткичларнинг пасайишига бурғуланган экси қудуқлардан нефть қазиб олишнинг қисқариши, шунингдек, янгиларини очишга яроқлиликнинг камлиги сабаб қилиб кўрсатилган. Жорий йилда бурғуланган қудуқлар ўтган йилгига нисбатан 12 фоиз, 2017 йилга нисбатан 16 фоиз кам нефть берган. Шу сабабли компаниялар қудуқларни бурғулашга кўпроқ маблағ ажратишга мажбур бўлмоқда, бу эса ортиқча чиқим дегани.Ҳисоб-китобларга кўра, 2020 йилга бориб нефть нархи ўзгармаса (ҳозирда WTI маркали нефтлар — 60 доллар), кунига узоғи билан 480 минг баррел қазиб олинади. Агарда нарх 70 долларга кўтарилса, нефть қазиб олиш суткасига 700 минг баррелгача етади. Бу ҳам 2018 йилга нисбатан сезиларли даражада кам демакдир.

Аввалроқ, АҚШ Энергетика вазирлиги ўз ҳисоботида Россия 2050 йилга бориб нефть қазиб олишда етакчига айланишини маълум қилганди.