Куни кеча Фарғона вилоятида «Агробанк» АТБ томонидан «Ҳудудларда пахта-тўқимачилик кластерларини ривожлантириш борасида олиб борилаётган амалий ишларда ‘Агробанк’ АТБнинг иштироки» мавзусига бағишлаб пресс-тур ўтказилди.
Унда «Агробанк» АТБнинг раҳбар ва ходимлари ҳамда оммавий ахборот воситалари вакиллари иштирок этди.
Мамлакатимизда қишлоқ хўжалиги тармоғини янада ривожлантириш, моддий-техник баъзасини мустаҳкамлаш алоҳида эътибор қаратилмоқда.
Жумладан, юртимизда пахта-тўқимачилик кластерларни ташкил этиш ва шу орқали тўқимачилик саноатини ривожлантириш, экспорт салоҳиятини оширишга бўйича тадбирлар амалга оширилмоқда.
Бу борада «Агробанк» АТБ томонидан ҳам ушбу тармоқни молиявий қўллаб-қувватлаш борасида кенг кўламли саъй-ҳаракатлар олиб борилаётгани ҳеч кимга сир эмас.
Хусусан, пахта-тўқимачилик ишлаб чиқаришини ташкил этишнинг замонавий шаклларини жорий этиш бўйича бугунги кун ҳолатига ташкил этилган 74 та кластер корхонасининг 33 таси билан «Агробанк» ўртасида пахта 2019 йил ҳосили молиялаштириш бўйича шартномалар имзоланган.
Жорий йилнинг 1 сентябрь ҳолатига «Агробанк» АТБ филиаллари томонидан пахта-тўқимачилик корхоналарига пахта ҳосилини етиштириш қийматининг 60 фоизи миқдорида 2 042,7 млрд сўмлик кредит ажратилган.
Пресс-тур давомида ОАВ ходимлари банкнинг молиявий кўмагида ўз иш фаолиятини бошлаган бир қатор замонавий агрокластерлари билан яқиндан таништирилди.
Пресс-тур иштирокчилари дастлаб, Тошлоқ туманида жойлашган «Эхпо Коллер Прин Текс» МЧЖга ташриф буюриб, бу ерда олиб борилаётган ишлар ҳақида мутахассислардан маълумотлар олишди.
Ушбу замонавий агрокластерига банк томонидан пахта ҳосилини етиштириш учун 36,4 млрд сўм кредит маблағлари ажратилган. Мазкур корхона пахта толасидан ип-калава ишлаб чиқаришга ихтисослашган. Корхона бир йилда 3600 минг тонна ип-калава ишлаб чиқариш қувватига эга Корхона томонидан жорий йилнинг шу даврига қадар 10 миллион АҚШ долларилик маҳсулотлар Хитой, Бельгия, Польша давлатларига экспорт қилинган.
Шуни алоҳида таъкидлаш жоизки, банк билан ҳамкорлик натижасида «Эхпо Коллер Прин Текс» МЧЖ томонидан 100 дан зиёд янги иш ўрни яратилди. Ҳозирда корхонада жами 1052 нафар ишчи фаолия олиб бормоқда.
Пресс-тур давомида ОАВ ходимлари Риштон туманида ҳам бўлиб, у ерда «Рус Ўзбектекс» МЧЖ ташриф буюрди. Корхона тўғрисида мутахассислар томонидан маълумотлар олишди.
Ушбу замонавий агрокластерига банк томонидан пахта ҳосилини етиштириш учун 34,4 млрд сўм ҳамда ип калава тўқимачилик дастгоҳларини сотиб олиш учун 945,5 минг АҚШ доллари кредит маблағлари ажратилган. Мазкур корхона пахта толасидан ип-калава ишлаб чиқаришга ихтисослашган. Корхона бир йилда 4 млн тонна ип-калава ишлаб чиқариш қувватига эга. Корхона томонидан жорий йилнинг шу даврига қадар 4,8 миллион АҚШ долларлик маҳсулотлар Хитой, Туркия, Беларусь давлатларига экспортга чиқарилган.
Шуни алоҳида таъкидлаш жоизки, банк билан ҳамкорлик натижасида «Рус Ўзбектекс» МЧЖ томонидан 50 та янги иш ўрни яратилди. Корхонада бугунги кунга келиб 882 нафар ишчи фаолият олиб бормоқда.
«Агробанк» жамоаси юртимиз иқтисодиётининг турли тармоқларини янада тараққий эттириш, аҳолини тадбиркорликка жалб этиш ва уларнинг бизнес лойиҳаларини молиявий қўллаб-қувватлаш, шунингдек, банк хизматларини янада ривожлантириш йўлида кенг кўламли саъй-ҳарактларни бундан кейин ҳам устувор равишда олиб боради.
«Агробанк» АТБ матбуот хизмати
Сайт: www.agrobank.uz
Реклама ҳуқуқи асосида.
Изоҳ (0)