Ҳар йили 1 октябрь Ўзбекистонда саҳоват, инсонпарварлик ва донолик байрами – Ўқитувчи ва мураббийлар куни кенг нишонланади. Dream City Development компанияси республикамиздаги барча ушбу касб эгаларини байрам билан муборакбод этади.
Шубҳасиз, ўқитувчи – бу энг шарафли ва муҳим касб бўлиб, улар ўз Ватанига муносиб ёш авлодни тарбиялашдек муҳим масъулиятли вазифани бажаришмоқда. Қурувчилар сингари улар ёшларимизнинг келгусида баркамол, ижтимоий ва интеллектуал салоҳиятга бой ҳолда ривожланиб, вояга етишишларида «замин яратадилар».
Сўнгги йилларда мамлакатимизда таълим тизимида туб ислоҳотлар амалга оширилмоқда ва бу давлат сиёсатининг устувор йўналишларидан бири – малакали кадрлар тайёрлашнинг ривожланишига ижобий таъсир кўрсатмоқда.
Амалга оширилаётган ислоҳотлар энг яхши натижаларга олиб келди. Таълим тизимига инновацион технологиялар, электрон дарсликлар, видео ва аудио дарслар жорий этилди, шу билан бирга янги мактаблар ҳам бунёд этилди.
Шубҳасиз, ҳар бир киши, нима билан шуғулланишидан ва қандай лавозимда бўлишидан қатъий назар, мустақил ҳаётга пойдевор қўйган ва устозлик қилган устоз ва мураббийлари олдида қарздорлик ҳиссини сезади. Уларнинг ёш авлодни маънан етук шахс қилиб тарбиялаш каби улкан хизматлари бебаҳодир.
Мазкур машаққатли касбни танлаган ва уни муносиб бажараётган барча ўқитувчи ва мураббийларни ушбу кун билан табриклаш бизнинг катта ва мароқли бурчимиздир.
Азиз устозлар, сизларга чексиз ҳурмат ила ўз миннатдорчилигимизни билдирамиз, шарафли ва масъулиятли фаолиятингиз давомида фарзандларимизга билим беришда давом этяпсизлар, уларга мураккаб улкан ҳаётга қадам қўйишларида кўмаклашмоқдасизлар, чунки сизларнинг тўғри маслаҳатларингиз ва доно панд-насиҳатларингиз, шубҳасиз, улар учун ҳаётда фойда беради.
Биз сизларнинг меҳнатингизни қадрлаймиз ва чин юракдан самимий миннатдорчилигимизни билдириб қоламиз.
Ҳурмат билан, Dream City Development.
Реклама ҳуқуқи асосида.
Изоҳ (0)