Бугун,

  • USD 10940.05
  • RUB 182.26
  • EUR 11121.65

«Истеъмолчилар ҳуқуқини ҳимоя қилиш тўғрисидаги» Ўзбекистон қонунининг 6-моддасида ишлаб чиқарувчи ва сотувчи истеъмолчига у томондан сотиб олинадиган маҳсулотлар тўғрисидаги зарур бўлган, ишончли ва очиқ ахборотларни ўз вақтида тақдим этишга мажбур эканлиги белгилаб қўйилган.

«Ўзстандарт» матбуот хизматига кўра, кўп ҳолатларда истеъмолчи маҳсулот ҳақида батафсил маълумотларни давлат тилида олиш имкониятига эга эмас.

Бунинг устига, маҳсулот тўғрисидаги ахборотлар ўқиш учун ниҳоятда майда ҳарфлар билан ёзилган бўлиб, ундан истеъмолчи ўз вақтида фойдалана олмаяпти.

Маҳсулот тўғрисидаги ахборотлар ёзилган ўзи ёпишадиган стикерлар уни республикага кириб келгунига қадар туширилади ва ҳар доим ҳам ишлаб чиқарувчининг ахборотларидан фарқли равишда ишончли ахборотга эга бўлмаслиги мумкин, натижада ишлаб чиқарувчи тақдим этилган ахборот учун жавобгар бўлмайди.

БМТ томонидан 1985 йилда тасдиқланган тамойилларга мувофиқ истеъмолчи қуйидаги ҳуқуқларга эга:

  • маҳсулотлар хавфсизлиги ва уларнинг сотувчининг (ишлаб чиқарувчининг) таклифларига аниқ мувофиқликда ишлаши;
  • белгиланган хизмат кўрсатиш ва ушбу товарни ишлашга яроқли ҳолда сақлаш кафолатлари даврида маҳсулотнинг сифати;
  • базавий талабларни қондириш, ҳозирги ва келажак авлодни ишончли ва соғлом ҳаёт кечиришига таҳдид кўрсатмайдиган соғлом атроф муҳит ҳуқуқи.
Россиянинг «Истеъмолчилар ҳуқуқини химоя қилиш тўғрисидаги» қонунига мувофиқ, истеъмолчиларга товарни сотиб олишда уни ишлаб чиқарувчиси, стандарт ва асосий истеъмолчи хусусиятларини рўйхати, агар бу озиқ-овқат маҳсулотлари бўлса, уларнинг таркиби, калориялилиги, соғлиқ учун зарарли моддалар миқдори ва маълум бўлган касалликларда бу маҳсулотни истеъмол қилишга қарши кўрсатмаларни билиш ҳуқуқига эга. Вақт ўтиши билан истемол қилиш хусусиятлари ёмонлашиши мумкин бўлган товарларда яроқлилик муддати ва ишлаб чиқариш санаси кўрсатилган бўлиши керак.

«Чет элда ишлаб чиқарилган товарларда давлат тилидаги тамға йўқлиги истеъмолчилар ҳуқуқлари поймол қилинишига олиб келади», — дейилади хабарда.

Изоҳ
Асосий янгиликлар