«Ҳокимда масъулият, ҳиссиётни жиловлай олиш қобилияти бўлиши керак»,— дейди сиёсий фанлар доктори Отабек Ҳасанов «Дарё» мухбири Мусулмонбек Иброҳимовга берган интервьюсида.
Суҳбат чоғида Отабек Ҳасанов бугун XXI аср фуқароларини ХХ аср бошқарув усуллари билан бошқариб бўлмаслигига алоҳида урғу берди.
«Чунки фуқароларимиз бугун ҳар бир деталга эътибор билан қараяпти. Демак, бугунги кунда раҳбарларимиз ҳам бирор бир муаммони ҳал қилишда, арзимас деталларига эътибор бериб унинг ечимини топиши керак. Бунинг учун раҳбарда тизимли фикрлаш, стратегик режалаштириш, эртани кўра олиш қобилияти бўлиши керак. Муаммо юзасидан қарор қабул қилишда эса фуқаролар иштирокини ҳам таъминлаш муҳимдир. Бу фуқароларнинг амалга оширилаётган ислоҳотларда иштирокчи эканликларини ҳис қилишларига ёрдам беради», — деди Ҳасанов
Олимнинг қўшимча қилишича, ҳокимда масъулият, ҳиссиётни жиловлай олиш қобилияти бўлиши керак.
«Мен Амир Темурнинг бир сўзларини айтиб ўтмоқчи эдим, яъни «Ҳар қандай иккинчи ҳиссиёт билан қабул қилинган қарор хатоликдир». Ҳокимда ақл биринчи ўринда туриши керак. Чунки ҳоким ўша туманнинг ижтимоий, иқтисодий, сиёсий, ҳуқуқий соҳасига жавобгар шахс. Муҳтарам Президентимизнинг таъбири билан айтганда, ҳоким бугун ўзини қийнаши керак, у янгиликларни билишга интилиши керак», — таъкидлади у.
Маълумот учун, сиёсатшунос Отабек Ҳасанов билани айни вақтда энг долзаб муаммо саналган кадрлар масалаларига бағишланган суҳбатнинг тўлиғини тез кунларда «Дарё»да ўқийсиз. Бизни кузатиб боринг.
Изоҳ (0)