Украина президенти Владимир Зеленский АҚШ етакчиси Дональд Трамп билан телефон орқали мулоқотида Германия ҳукуматини ҳақорат қилди. Мамлакатдаги етакчи нашрлардан бири — Der Spiegel шундай хулосага келди, дея хабар беради «Коммерсантъ».
Зеленский суҳбат чоғида АҚШ президентининг Германия канцлери Ангела Меркель Украина учун ҳеч нарса қилмаётгани ҳақидаги сўзларига қўшилган, унинг дипломатик хизматлари инобатга олинмаганди. Бу Берлиннинг норозилигига сабаб бўлди.
«Ҳа, сиз мутлақо ҳақсиз. 100 фоиз ҳам эмас, 1000 фоизга ҳақсиз. Ангела Меркель билан ҳам, Макрон билан ҳам суҳбатлашдим, учрашдим. Уларга санкциялар борасида етарлича ҳаракат қилмаётгани, санкцияларни кучайтирмаётганларини айтдим. Улар Украина учун зарур даражада ишламаяпти», — дея таъкидлаган телефон орқали мулоқотда Зеленский.Der Spiegelга кўра, Зеленский ва Трампнинг суҳбати кенг омма учун мўлжалланмаганди, шу сабабли бунга жиддий муносабатда бўлиш лозим. Нашр Германия ҳукуматининг жавоби қандай бўлишини кутаётганлигини билдирган.
Мавзуга доир: Конгресс Трампга импичмент билан таҳдид қилмоқда. Сабаб — унинг Зеленский билан суҳбати. Аҳвол анча жиддий
25 июль куни АҚШ президенти маъмурияти Дональд Трампнинг Украина президенти Владимир Зеленский билан бўлиб ўтган суҳбати матнини (.pdf) эълон қилди. Суҳбат матнидан маълум бўлишича, Трамп Зеленскийдан Жо Байденнинг ўғлига тегишли компания ишини тергов қилишни сўраган.
Изоҳ (0)