Фотогалерея: Пекинда дунёнинг энг улкан — Дасин аэропорти фаолиятини бошлади
Пекинда дунёдаги энг катта деб эътироф қилинаётган халқаро Дасин аэропорти очилди: унинг расмий очилиши 30 сентябрда бўлиб ўтиши режалаштирилган, лекин дастлабки рейсларни амалга ошириш беш кун аввал бошланди. Янги аэропорт хизматларидан SkyTeam альянсига аъзо барча авиакомпаниялар фойдаланади, хусусан Россиянинг «Аэрофлот»и ҳам, деб ёзади Tjournal.
Аэропорт беш йил давомида қурилган. 2025 йилда Дасиннинг йўловчи ўтказиш қуввати йилига 72 миллион йўловчига етади ва кейинчалик бу кўрсаткич йилига 100 миллион йўловчига ўсиши мумкин.
Дасин дунё аэропортлари орасида энг мураккаб муҳандислик лойиҳаси эканлиги таъкидланган. Ушбу улкан иншоотни Заҳа Ҳадид архитектура бюроси лойиҳалаштирган. Аэропорт биноси юлдуз шаклида бўлиб, унинг ҳар бир бурчагида ўзига хос ички дизайнга эга. Улар Хитой боғи кўринишида, миллий анъаналарга мос равишда безатилади. Шунингдек, электр энергиясини тежаш мақсадида бинода табиий ёритиш ва вентиляция имкониятларидан юқори даражада фойдаланилган.
Мавзуга доир: Хитойда жаҳондаги энг йирик — Дасин аэропорти очилди. У Заҳа Ҳадид лойиҳаси асосида қурилган
