Ukraina prezidenti Vladimir Zelenskiy AQSh yetakchisi Donald Tramp bilan telefon orqali muloqotida Germaniya hukumatini haqorat qildi. Mamlakatdagi yetakchi nashrlardan biri — Der Spiegel shunday xulosaga keldi, deya xabar beradi “Kommersant”.
Zelenskiy suhbat chog‘ida AQSh prezidentining Germaniya kansleri Angela Merkel Ukraina uchun hech narsa qilmayotgani haqidagi so‘zlariga qo‘shilgan, uning diplomatik xizmatlari inobatga olinmagandi. Bu Berlinning noroziligiga sabab bo‘ldi.
“Ha, siz mutlaqo haqsiz. 100 foiz ham emas, 1000 foizga haqsiz. Angela Merkel bilan ham, Makron bilan ham suhbatlashdim, uchrashdim. Ularga sanksiyalar borasida yetarlicha harakat qilmayotgani, sanksiyalarni kuchaytirmayotganlarini aytdim. Ular Ukraina uchun zarur darajada ishlamayapti”, — deya ta’kidlagan telefon orqali muloqotda Zelenskiy.Der Spiegel’ga ko‘ra, Zelenskiy va Trampning suhbati keng omma uchun mo‘ljallanmagandi, shu sababli bunga jiddiy munosabatda bo‘lish lozim. Nashr Germaniya hukumatining javobi qanday bo‘lishini kutayotganligini bildirgan.
Mavzuga doir: Kongress Trampga impichment bilan tahdid qilmoqda. Sabab — uning Zelenskiy bilan suhbati. Ahvol ancha jiddiy
25-iyul kuni AQSh prezidenti ma’muriyati Donald Trampning Ukraina prezidenti Vladimir Zelenskiy bilan bo‘lib o‘tgan suhbati matnini (.pdf) e’lon qildi. Suhbat matnidan ma’lum bo‘lishicha, Tramp Zelenskiydan Jo Baydenning o‘g‘liga tegishli kompaniya ishini tergov qilishni so‘ragan.
Izoh (0)