Boston Dynamics янги машина нархидаги SpotMini роботларини етказиб беради

Boston Dynamics компанияси янги SpotMini роботларини етказиб беришни бошлади, деб хабар берди Meduza.

Компания ўз Youtube каналида роботларга оид маълумотларни жойлаштирди. Робот секундига 1,6 метр тезлик билан югуриши, Цельсий шкаласи бўйича -20 даража совуқда ва 45 даражагача иссиқ ҳароратда ишлай олиши мумкин. SpotMini сув ва чангга бардошли умумий кўринишни кўрсата оладиган 360 градусли камерага эга.

SpotMini’нинг очиқ сотувлари ҳали ҳали йўлга қўйилмайди. Дастлабки чекланган партия (айни вақтда компания ихтиёрида 20 та тайёр робот бор) қурилиш, энергетика ва жамоат хавфсизлигини таъминлаш соҳаларида фаолият юритаётган катта компаниялар ихтиёрига берилади. Робот қаердан газ сизиб чиқаётганини топа олади, авариявий ҳолатдаги бинолар режасини тузади ва қурувчилар учун хавфли ҳудудларни аниқлайди.

SpotMini’нинг нархи ошкор қилинмаган. CNN экспертлари унинг қиймати янги машинага тенг бўлши мумкинлигини тахмин қилмоқда.

Boston Dynamics яқин келажакда камида мингта шундай робот ишлаб чиқармоқчи. SpotMini’ни харид қилиш бўйича буюртмани компания сайтида бериш мумкин.