Хитойнинг Huawei компанияси Мюнхенда янги Mate 30 ва Mate 30 Pro смартфонлари тақдимотини ўтказди, деб хабар берди Meduza.
Иккала қурилма ҳам очиқ кодли Android версиясида ишлайди. АҚШ тақиқлари сабаб уларда Google сервислари йўқ. Энди ушбу смартфонларда Google Play ўрнида иловалар учун App Gallery деб номланган бошқа дўкон бўлади.
Смартфонларга 40 мегапикселгача ўлчамларга эга Leica камералари, шунингдек, кенг бурчакли ультра объективлар ва телефото-линзалар жойлаштирилган.
Huawei — смартфонлар ишлаб чиқариш билан шуғулланувчи дунёдаги энг йирик компаниялардан бири ҳисобланади. Ғарб мамлакатлари компанияни Хитой ҳукумати билан ҳамкорлик қилганликда айблаган. Хусусан, АҚШ ҳукумати ўз компанияларига Huawei билан рухсатсиз ҳамкорлик қилишни тақиқлаб қўйган.
Изоҳ (0)