Мутахассислар смартфонлар учун бегона мобил электр қувватлагичлардан фойдаланмасликни тавсия қилди

Электр қувватлагич симларига қурилмани эгаллаб оладиган вируслар жойлаштириш одат тусига кириб бормоқда. Киберхавфсизлик бўйича мутахассислар смартфон батареясини қувватлаш учун бегона қувватлагичдан фойдаланмасликни тавсия қилмоқда, дея хабар берди Spot, Forbes маълумотига таяниб.

IBM Security’да X-Force Red’нинг бошқарувчи ҳамкори ва раҳбари Чарльз Хендерсон мижозлар компьютер тизимларига бузиб киришни амалга ошириб уларнинг ожиз нуқталарини кўрсатиб берувчи хакерлар жамоасини бошқаради.

Хакерлар электр қувватлагич симларига вируслар киритиш йўлини ўзлаштирганидан кейин унинг жамоаси аксарият ҳолларда мобил қурилма ёки компьютерларни масофадан бошқариш учун мижозларнинг бегона қувватлагичлардан фойдаланиш ёки фойдаланмаслигини аниқлаб олади.

Биз кўпинча iPhone учун ажойиб электр қувватлаш қурилмасини почта орқали юборамиз. Мижоз расмий сайтида ҳамкорлик қилаётганини билдирган фирма номидан беғараз совға қилинаётганини ёзиб, уни тузоққа туширамиз. Симни юборгач мижознинг ундан фойдаланиш ёки фойдаланмаслигини текширамиз.

Киберхавфсизлик бўйича мутахассис, Чарльз Хендерсон.

Ушбу iPod сими ёрдамида Маc компьютерига уланди ва масофадан туриб унинг IP-манзилини аниқлаб тизим бошқарувини қўлга киритди. MG’нинг қайд этишича, кейинроқ у ўзи «бузиб кирган» компьютеридан вирусни ўчириб ташлаб, бор далил-исботни йўқ қилишга ҳам улгурган.

Ҳозир зарарли симли ўтказгичлар оммавий тарқалмаган, аммо бундай ишлар содир бўлмаслигига кафолат йўқ ва схеманинг аниқ ишлаётганини инкор этиб бўлмайди. Технология жуда ихчам, қимматга тушмайди ва хакерлар учун қулайликларга эга.

Барча жабҳада эҳтиёткор бўлиш ва ўз қурилмаларига бегона электр қувватлагичлар ва USB симларни уламаган маъқул. Бу шунчаки IT-гигиена. СПАМ хатларда почта пароллари сўровларини инкор қилгандек, бегона симлардан фойдаланишда ҳам хавфсизлик биринчи ўринда бўлиши лозим.

Киберхавфсизлик бўйича мутахассис, Чарльз Хендерсон.