Amazon компаниясининг овозли ёрдамчиси Alexa машҳур инсонларнинг овозида гапиради. Бу ҳақда Meduza хабар берди.
Бошқа овозли ёрдамчилардан фарқли равишда Alexa аввалдан ёзиб қўйилган жумлалардан фойдаланмайди. Бунинг ўрнига ўрнатилган нейротармоқ бошқа овозлар, жумладан машҳурларнинг гапларини эшиттиради.
Лойиҳага Голливуднинг энг сўконғич актёрларидан бири бўлган Самюуэль Л. Жексон таклиф қилинди. Айнан юлдузнинг мухлислари учун Alexa икки хил версияда: маданият билан ва сўкиниб гапиради. 2020 йилда Alexa’га бошқа машҳурларнинг ҳам овозлари қўшилади.
Октябрдан бошлаб Alexa’да икки тилда ишлаш функцияси ҳам пайдо бўлади. АҚШдагилар инглиз ва испан, Канада инглиз, француз, Ҳиндистонда инглиз ёки ҳинд тилидан бирини танлаши мумкин.
Alexa овозли ёрдамчи дастури Amazon ва бошқа ишла чиқарувчиларнинг ақлли карнайларида, смартфонлар, компутерлар ва автомобилларнинг айрим моделларида ишлайди.
Изоҳ (0)