Болгариялик иқтисодчи Кристалина Георгиева Халқаро валюта фондининг бошқарув директори этиб тайинланди. У 1 октябрдан ўз лавозимига киришади, деб хабар берди Meduza.
Кристалина Георгиева бунга қадар Европа комиссияси аъзоси, 2017 йилнинг январидан Бутунжаҳон банкининг ижрочи директори лавозимида ишлаб келаётганди.
Халқаро валюта фондини Кристалинага қадар Кристин Лагард бошқариб келаётганди. У ўз номзодини Европа марказий банки раиси лавозимига қўйганидан сўнг, фонддан кетган.
Халқаро валюта фонди — Бирлашган миллатлар ташкилотига тегишли бўлиб, мамлакатларга моддий ёрдам кўрсатиш билан шуғулланади. Ташкилотга 189 та давлат аъзо.
Изоҳ (0)