Bolgariyalik iqtisodchi Kristalina Georgiyeva Xalqaro valyuta fondining boshqaruv direktori etib tayinlandi. U 1-oktabrdan o‘z lavozimiga kirishadi, deb xabar berdi Meduza.
Kristalina Georgiyeva bunga qadar Yevropa komissiyasi a’zosi, 2017-yilning yanvaridan Butunjahon bankining ijrochi direktori lavozimida ishlab kelayotgandi.
Xalqaro valyuta fondini Kristalinaga qadar Kristin Lagard boshqarib kelayotgandi. U o‘z nomzodini Yevropa markaziy banki raisi lavozimiga qo‘yganidan so‘ng, fonddan ketgan.
Xalqaro valyuta fondi — Birlashgan millatlar tashkilotiga tegishli bo‘lib, mamlakatlarga moddiy yordam ko‘rsatish bilan shug‘ullanadi. Tashkilotga 189 ta davlat a’zo.
Izoh (0)