Тошкентда бўлиб ўтган Марказий Осиё энергетика инвестицион форуми доирасида бир қатор битимлар имзоланди, дея хабар бермоқда Ўзбекистон Энергетика вазирлиги матбуот хизмати.
«Ўзбекнефтгаз» билан АҚШнинг Air Products компанияси ўртасида Шўртан газ-кимё мажмуаси (GTL заводи)да тозаланган метан асосида синтетик суюқ ёқилғи ишлаб чиқариш лойиҳаси бўйича ўзаро ҳамкорликка доир «йўл харитаси» имзоланган.
«Бунда Америка компаниясининг лойиҳага кириши кўзда тутилади», — дейилади Энергетика вазирлиги ахборотида.
Шунингдек, «Ўзкимёсаноат» билан аммиак ва карбамид ишлаб чиқариш бўйича «Янгиер шаҳрида кимёвий комплексни қуриш» лойиҳасини амалга ошириш бўйича ўзаро ҳамкорликка оид «йўл харитаси» имзоланган.
Имзоланган келишувларнинг бошқа шартлари маълум қилинмаган. Аввалроқ форум доирасида Саудия Арабистони компанияси билан Ўзбекистонда иссиқлик ва шамол электр станцияларини қуриш бўйича битим имзолангани ҳақида хабар берилган эди.
Изоҳ (0)