Ўзбекистон халқ таълими вазири Шерзод Шерматов 21 сентябрь куни Тошкент вилоятининг Пискент туманига ташриф буюрди. Вазир ҳамда туман ҳокими Шуҳрат Ахмедов тумандаги 5-умумтаълим мактабида бўлган.
«Мактабдаги иқтидорли ўқувчилар ва уларга таълим бераётган фидойи устозлар билан самимий суҳбат қурган вазир математика фани бўйича ўқитувчиларнинг тажрибаларини ўрганди, таклифлари билан қизиқди. Туман ҳокимининг Пискентда математика фанига ихтисослаштирилган мактаб ташкил этиш ҳақидаги таклифи вазир Шерматов томонидан маъқулланди», — дейилади туман ҳокимлиги ахборотида.
Қайд этишларича, Пискентдаги 5-умумтаълим мактаби аниқ фанлар бўйича таянч мактаби ҳисобланади. 2019 йилда умумтаълим мактаблари орасида ўтказилган Миллий рейтингда ушбу мактаб Тошкент вилояти бўйича 2-ўринни эгаллаган.
Изоҳ (0)