Ўзбекистон Президенти Шавкат Мирзиёев Мали президенти Иброҳим Бубакар Кейтани Мустақиллик куни билан табриклади, дея хабар бермоқда Президент матбуот хизмати.
Мали қандай қилиб мустақилликка эришган?
Кейинчалик мустақил Малининг биринчи президентига айланган Модибо Кейта 1946 йили Феликс Уфуэ-Буанйи билан биргаликда француз мустамлакачилигига қарши курашга бошчилик қилган Судан иттифоқи партиясига асос солган (ўша вақтда Мали Франция Судани деб аталган).Мустамлакачиликка қарши кайфиятда бўлишига қарамай, Модибо Кейта француз мустамлакачи расмийларига нисбатан етарли даражада конструктив муносабатда бўлган. 1956 йили у Бамако (пойтахт) мери ва Франция Миллий мажлиси депутати этиб сайланган (амалда мустамлакачи маъмурлар томонидан тайинланган).
Франция Судани 1958 йил 28 сентябрда Француз ҳамдўстлиги таркибидаги мухтор Судан Республикасига айланган. 1959 йили эса Судан Республикаси (Мали) ва Сенегалдан ташкил топган Мали Федерацияси ташкил этилган. 1960 йил июлида эса қайта ташкил этилган Француз Ҳамдўстлиги доирасида Мали Федерациясининг мустақиллиги эълон қилинган.
1960 йил августида Сенегал федерация таркибидан чиққанини эълон қилган. 1960 йил 22 сентябрида Судан Республикаси Француз Ҳамдўстлиги таркибидан чиққанини маълум қилган ва ўзини мустақил Мали Республикаси деб эълон қилган.
Изоҳ (0)