Тошкентдаги Амир Темур кўчасининг Жиноят ишлари бўйича Юнусобод туман суди жойлашган нуқтасидан Аҳмад Дониш кўчасигача бўлган йўлнинг бир томонга ҳаракатланиш қисми 12 сентябридан декабрь ойигача ёпилади. Бу ҳақда Тошкент шаҳар ҳокимлиги матбуот хизмати хабар бермоқда.
Қайд этилишича, йўлнинг ушбу қисми Тошкент метрополитени Юнусобод йўналиши 2-босқич қурилиш ишлари амалга оширилаётгани муносабати билан ёпилади.
«Шу йўналишда ҳаракатланувчилар вақтинча қатнов қисмининг иккинчи томонидаги йўлдан юришлари мумкин бўлади. Келтирилган ноқулайлик учун узр сўраймиз», — дейилади хабарда.
Маълумот учун, Тошкент метрополитенининг «Юнусобод» йўналишидаги янги иккита бекат қурилиши 2019 йил охиригача якунланишини эълон қилинган.
Изоҳ (0)