Олий Мажлис Қонунчилик палатаси депутатлари 12 сентябрь, пайшанба куни Нозим Ҳусанов номзодини Ўзбекистон бандлик ва меҳнат муносабатлари вазири лавозимига маъқуллади. Номзод Президентнинг тегишли фармони имзоланганидан сўнг тасдиқланади.
Вазирликнинг аввалги раҳбари Шерзод Кудбиев август ойи охирида Президентнинг давлат хизмати ва ҳокимият вакиллик органлари билан ҳамкорлик қилиш масалалари бўйича маслаҳатчиси лавозимига тайинланган эди.
Нозим Ҳусанов (1976 йил туғилган) Тошкент автомобиль-йўллар институти (1997), Тошкент молия институти (сиртқи бўлим, 2002), Президент ҳузуридаги Давлат ва жамият қурилиши академияси (2007) битирувчиси ҳисобланади. У 2018 йил май ойидан буён Тошкентнинг Сергели туманига ҳокимлик қилиб келаётган эди.
Эслатиб ўтамиз, Ўзбекистон Конституциясига 2019 март ойида киритилган тузатишга кўра, Олий Мажлис Қонунчилик палатаси ваколати кенгайтирилган. Жумладан, депутатлар Вазирлар Маҳкамаси аъзолигига номзодларни кўриб чиқади ва маъқуллайди. Вазирлар Маҳкамаси аъзолари Президент тасдиғидан сўнг ўз мажбуриятларини бажаришга киришади.
Изоҳ (0)