КХДР етакчиси Ким Чен Ин кенг ўлчамли залп ўт очиш реактив тизимларининг синов учирилишида шахсан иштирок этган ва уни бошқариб турган. Бу ҳақда Корея Марказий телеграф агентлигига таяниб, «РБК» хабар берди.
Фото: Reuters
«Олий етакчимиз кенг ўлчамли залп ўт очиш реактив тизимлари жанговар операциялар, траектория тавсифи, мустақил кузатиш аниқлиги ва функциясининг якуний нуқтаи назаридан синовдан ўтказилганини маълум қилди», — дейилади хабарда.
Агентликнинг таъкидлашича, жами иккита ракета учирилган.
Аввалроқ, Жанубий Корея ҳарбийлари КХДРдаги Пхёнан-Намдо провинциясидан Япон денгизига қарата иккита ракета учирилгани маълум қилинганди.
Reuters агентлигининг Япония ҳукуматига таяниб хабар беришича, КХДР томонидан учирилган снарядлар мамлакат хавфсизлигига ҳеч қандай таҳдид туғдирмаган.
