OAV: KXDR Yapon dengizi tomon ikkita snaryad uchirdi

Shimoliy Koreya Pxyonan-Namdo provinsiyasidan Yapon dengiziga qarab ikkita snaryadni uchirdi. Bu haqda Janubiy Koreya birlashgan shtab boshliqlari qo‘mitasiga tayanib, “Kommersant” xabar berdi.

Ta’kidlanishicha, Janubiy Koreya havo kuchlari “vaziyatni kuzatib bormoqda” va jangovar shay holatda turibdi.

Birlashgan qo‘mitaning ma’lumotlariga ko‘ra, snaryadlar Pxyonan-Namdo provinsiyasidan uchirilgan. Snaryadlar turi, ularning parvoz uzoqligi va balandligi haqida ma’lumotlar ochiqlanmagan.

Reuters agentligining Yaponiya hukumatiga tayanib xabar berishicha, KXDR tomonidan uchirilgan snaryadlar mamlakat xavfsizligiga hech qanday tahdid tug‘dirmagan. AQSh administratsiyasi snaryadlarning uchirilishiga oid vaziyatni kuzatib borayotganini bildirgan. “Biz vaziyatni kuzatib borishni davom etamiz va mintaqadagi ittifoqdoshlarimiz bilan muntazam maslahatlashmoqdamiz”, — deydi agentlikning AQSh administratsiyasidagi manbasi.

Eslatib o‘tamiz, 24-avgust kuni ham KXDR yapon dengiziga qarata 2 ta noma’lum snaryad uchirgan edi.