Август ойида Чеченистоннинг Шали шаҳрида йирик масжиднинг очилиши ва халқаро Қуръон мусобақаси бўлиб ўтди, деб хабар бермоқда Ўзбекистон мусулмонлари идораси матбуот хизмати.
Мусобақада 25 давлатдан ҳофизи Қуръонлар иштирок этди. Ушбу мусобақада Ўзбекистон шарафини Йўлдош қори Нуриддинов ҳимоя қилди.
Танлов якунларига кўра биринчи ўрин соҳибига 100 минг доллар, иккинчи ўринга 50 минг доллар, учинчи ўринга эса 25 минг доллар миқдорида мукофот пуллари топширилди.
1-ўрин: Ливия
- Иштирокчи: Абдураҳмон ал-Башир Солим
- Ривоят: имом Қолуннинг имом Нофеъдан ривояти
- Балл: 100
- Иштирокчи: Абдулмажид Мужоҳид Алий ас-Самовий
- Ривоят: имом Ҳафснинг имом Осимдан ривояти
- Балл: 99.97
- Иштирокчи: Аҳмад Муҳаммад Умар
- Ривоят: имом Ҳафснинг имом Осимдан ривояти
- Балл: 99.90
Эслатиб ўтамиз, Рамзан Қодиров 23 август куни Чеченистонда Самарқанд ва Бухоро мумтоз меъморчилиги услубида ўзбек меъморлари томонидан барпо этилган Европадаги энг йирик масжидни очган эди.
Очилиш маросимида Ўзбекистон мусулмонлари идораси раҳбари, муфтий Усмонхон Алимов ва Президент маслаҳатчиси Рустам Қосимов иштирок этди. Учрашув давомида Рустам Қосимов Тошкентдаги Мўйи Муборак мадрасасида сақланадиган энг қадимий Қуръон қўлёзма нусхасини тақдим этган.
Изоҳ (0)