Ўзбекистон мусулмонлари идораси муассислигида ташкил этилган Ҳадис илми мактабида илк ўқув йили бошланди. Бу ҳақда ЎзА хабар беради.
Самарқандда жойлашган ҳадис мактаби Шавкат Мирзиёевнинг 2018 йил 16 апрелдаги «Диний-маърифий соҳа фаолиятини тубдан такомиллаштириш чора-тадбирлари тўғрисида»ги фармонига кўра ташкил этилган.
Мактабга қабул имтиҳонлари 9—10 июль кунлари бўлиб ўтган. 100 га яқин талабгорлар орасидан саралаб олинган 12 нафар иқтидорли ёш мазкур муассасада 5 сентябрдан ўқишни бошлади.
Мактабда ҳадисшунослик фанлари билан бир қаторда Қуръони карим, фиқҳ, ақида, тафсир, ислом тарихи каби фанлар ҳамда хорижий тиллардан чуқур билим берилади.
Изоҳ (0)