30 август куни Тукманистон Вазирлар маҳкамасининг йиғилишида бош вазирнинг фан, таълим, соғлиқни сақлаш ва спорт масалалари бўйича ўринбосари Пурли Агамирадов номаълум сабабларга кўра мамлакат президенти Гурбангули Бердимуҳамедовга Соғлиқни сақлаш ва тиббиёт саноати ходимлари кунини 21 июлдан 10 октябрга кўчириш таклифини билдирди. Бу ҳақда «Хроника Туркменистана» хабар берди.
Президент мазкур ўзгаришни қабул қилди, у кейинги йилдан кучга киради.
Туркманистон тиббиёти учун мазкур сананинг ҳеч қандай аҳамиятли жиҳати йўқ, фақатгина жорий йили 21 июлда Бердимуҳамедов ўлгани ҳақида хабарлар тарқалганди. Шунга қарамай, ўша куни президент соғлиқни сақлаш ходимларига табрик йўллаганди. Кейинроқ Гурбангули Бердимуҳамедов Германияда даволанаётган онасидан хабар олгани кетгани учун ОАВда кўринмай қолгани ҳақида хабар пайдо бўлди. Бошқа манбалар президент икки кун комада бўлгани ҳақида хабар берди. 24 июлда 9 кунлик жимликдан сўнг Бердимуҳамедов омма олдида кўриниш берди. Бир кун ўтиб унинг ўлими ҳақида миш-миш тарқатганларни қўлга олиш бошланди.
Эслатиб ўтамиз, 2018 йилда Мустақиллик байрамини нишонлаш куни ҳеч қандай расмий тушунтиришларсиз 27 октябрдан 27 сентябрга кўчирилган эди. 2017 йилнинг ўша кунида Ашхободда V Ёпиқ иншоотларда жанвогар яккакурашлар бўйича Осиё ўйинларининг ёпилиш маросими ўтказилганди.
Туркманистон ҳақидаги бошқа хабарлар
- Туркманистонда ўқитувчиларни пахта теримига юбориш бошланди. Лекин далада пахта йўқ
- Туркманистон шарқида сотувда маҳаллий ун йўқолиб қолди. Нон икки баравар қимматлади
- Туркманистоннинг Тошҳовуз вилояти аҳолиси ёппасига мамлакатни тарк этмоқда
- Туркманистонда ҳажга давлат ҳисобидан борувчилар рўйхатига киритиш учун пора талаб қилинмоқда
- Туркманистонда нақд пул етишмовчилиги муаммоси ҳал этилмоқда. Банкоматлар олдида тўпланганларни қувиш билан
- Туркманистон пахтакорларига президентнинг ўғли ҳокимлик қиладиган вилоятга хирмонни биринчи бўлиб кўтаришда ёрдам бериш буюрилди
Изоҳ (0)