Turkmaniston sharqida sotuvda mahalliy un yo‘qolib qoldi. Non ikki baravar qimmatladi

Turkmaniston sharqidagi Lebap viloyatining Turkmanobod shahri do‘konlarida 1-sentabrdan noma’lum sabablarga ko‘ra sotuvda mahalliy un yo‘qolib qoldi.

Shu bilan birga, non narxi ikki baravar oshdi. Masalan, xususiy do‘konlardagi oldin  2—3 manat turgan eng arzon kulcha nonlar endi 4—5 manatdan sotilmoqda.

Davlat do‘konlaridagi narxlar avvalgidek — buxankasi uchun 0,6 manat darajasida qolgan, biroq ular hammaga ham yetayotgani yo‘q.

Iyul oyi boshida rasmiy OAV mamlakatda bug‘doy rejasi 1,6 million tonna etib  bajarilganini bildirgan, biroq norasmiy manbalarga ko‘ra, bu ko‘rsatkich aslida 845 ming tonnadan oshmagan.