Ватикандаги Авлиё Пётр майдонида Рим папаси томонидан анъанавий тарзда ўтказилиб келинадиган якшанба кунги ваъзлар 1 сентябрь куни бироз кечроқ бошланди. Бунга Рим папасининг лифтга қамалиб қолгани сабаб бўлган, деб хабар қилади Meduza.
Кўнгилсиз ҳодиса ҳақида Франсискнинг ўзи сўзлаб берган. У ўз ваъзларини ибодат учун келганлардан узр сўраш билан бошлаб, ўт ўчирувчилар 25 дақиқа давомида бузилиб қолган лифтни очишга уринганини таъкидлаган. Лифтнинг ишламай қолишига кучланишнинг камайиб кетгани сабаб бўлгани айтилмоқда.
Анъанавий якшанба кунги ваъзларни Рим папаси Апостол саройининг сўнгги қаватидаги ойнадан туриб ўқийди. У ерга кўтарилиш учун понтифик ўзи учун мўлжалланган махсус лифтдан фойдаланади.
Изоҳ (0)