Гонконгда норозилик намойиши иштирокчилари ва полиция ўртасидаги тўқнашувларда 31 киши жабрланиб, касалхонага ётқизилди, деб хабар берди «Kommersant.ru».
Жабрланувчиларнинг аксариятига уйга жавоб берилган. Улардан беш нафари оғир аҳволда эканлиги айтилмоқда.
Гонконгда норозилик намойишлари июнь ойидан бери тўхтамаяпти.
Норозилик намойишлари экстрадиция тўғрисидаги қонун сабаб ўтказилмоқда. Намойишчиларнинг фикрига кўра, ушбу қонун Хитойдан Гонконгга қочган диссидентларга қарши қаратилган.
Ҳозирда Гонконг ҳукумати Хитойдаги ушбу махсус маъмурий тумандаги оммавий норозилик намойишлари ва тартибсизликларни бартараф этиш усулларини изламоқда.
Махсус маъмурий туман раҳбари Кэрри Лам ёпиқ эшиклар ортида намойишга чиққан ёшлар вакиллари билан учрашди, бироқ ўзаро келишувга эришилмади. Лам ҳудудда фавқулодда ҳолат режимини жорий этмасликка сўз берди, бироқ вазиятдан чиқиш усулини таклиф этмади.
Изоҳ (0)