Фуқаролик ишлари бўйича Самарқанд шаҳар судида 6 август куни шартнома талабларини бажармаган автосалон иши кўриб чиқилди. Суд фуқаро фойдасига пеня ундириш ҳақида қарор чиқарди. Бу ҳақда «Xabar.uz» хабар беради.
Самарқандлик фуқаро Damas харид қилиш учун «Самарқанд автосавдо» МЧЖга мурожаат қилган. Шартнома асосида 62 812 000 сўм тўлаган ва 5 ой ўтиб машинани олиб кетиши керак бўлган.
Белгиланган муддатдан 2 ой кўп вақт ўтса-да, машинадан дарак бўлмаган. Автосалонга қатнаб сарсон бўлган фуқаро Ўзбекистон Истеъмолчилар ҳуқуқларини ҳимоя қилиш жамиятлари Федерациясининг 10-91 ишонч телефонига мурожаат қилган.
Ташкилот мутасаддиларининг аралашуви билан муаммо ижобий ҳал этилган.
Фуқаролик ишлари бўйича Самарқанд шаҳар суди «Самарқанд автосавдо» МЧЖ шартнома шартларини бажармагани, шартнома муддатини 57 кун кечиктиргани учун фуқарога 12 562 444 сўм миқдорида пеня тўлаши ҳақида қарор чиқарди.
Изоҳ (0)