Fuqarolik ishlari bo‘yicha Samarqand shahar sudida 6-avgust kuni shartnoma talablarini bajarmagan avtosalon ishi ko‘rib chiqildi. Sud fuqaro foydasiga penya undirish haqida qaror chiqardi. Bu haqda “Xabar.uz” xabar beradi.
Samarqandlik fuqaro Damas xarid qilish uchun “Samarqand avtosavdo” MChJga murojaat qilgan. Shartnoma asosida 62 812 000 so‘m to‘lagan va 5 oy o‘tib mashinani olib ketishi kerak bo‘lgan.
Belgilangan muddatdan 2 oy ko‘p vaqt o‘tsa-da, mashinadan darak bo‘lmagan. Avtosalonga qatnab sarson bo‘lgan fuqaro O‘zbekiston Iste’molchilar huquqlarini himoya qilish jamiyatlari Federatsiyasining 10-91 ishonch telefoniga murojaat qilgan.
Tashkilot mutasaddilarining aralashuvi bilan muammo ijobiy hal etilgan.
Fuqarolik ishlari bo‘yicha Samarqand shahar sudi “Samarqand avtosavdo” MChJ shartnoma shartlarini bajarmagani, shartnoma muddatini 57 kun kechiktirgani uchun fuqaroga 12 562 444 so‘m miqdorida penya to‘lashi haqida qaror chiqardi.
Izoh (0)