МЧЖ Uztex Group ҚК бугунги кунда МДҲ мамлакатлари орасида биринчи ва ягона BSCI сертификатининг энг юқори баҳосини олган тўқимачилик компаниясидир. У нафақат BSCI сертификатини қўлга киритди, балки ушбу сертификатнинг 13 та халқаро стандарт тамойили ва қоидаси бўйича энг юқори баҳоси мутлақ — А тоифаси билан тақдирланди.
BSCI — бу Брюсселда жойлашган нотижорат ташкилот бўлган ташқи савдо уюшмаси (FTA) томонидан ишлаб чиқилган ташаббусдир. BSCI мақсади жаҳон савдосида ижтимоий жавобгарлик мониторингини жорий этиш орқали етказиб берувчи мамлакатлар фаолиятини барқарор равишда яхшилаш учун замин яратишдир. BSCI таъминотчиларнинг ижтимоий фаолиятини доимий равишда такомиллаштиришга йўналтирилган бўлиб, бу соҳада илғор тажрибаларни жорий этишга етаклайди.
BSCI ахлоқ кодекси БМТнинг Инсон ҳуқуқлари умумжаҳон декларацияси қоидаларига, Халқаро меҳнат ташкилоти, БМТнинг болалар ҳуқуқлари ва аёлларга нисбатан камситишларнинг барча шаклларига барҳам бериш тўғрисидаги конвенсиялари, БМТнинг Глобал шартномаси, халқаро миқёсдаги компаниялар учун OECD тавсиялари ва бошқа тегишли халқаро шартномаларга асосланади.
Халқаро Ижтимоий Масъулият ташаббуси (BSCI) мақсадларидан келиб чиққан ҳолда, барча таъминотчилар ушбу кодекс талабларига мувофиқлиги учун маълум даражада баҳоланиши керак. Таниқли сертификатлаштириш органи томонидан муваффақиятли баҳоланиш BSCI’нинг 500 дан ортиқ аъзоси билан ишлаш учун зарурий шартдир.
BSCI аъзолари дунёга машҳур Adidas, Nike, Otto Group, H&H, Zara, Marks & Spencer, Primark, Lacoste ва бошқалар каби таниқли дунё брендлар ва компаниялардир.
Икки йил олдин ҳам Uztex Group BSCI сертификатидан ўтган ва ушбу халқаро стандартга мувофиқ Б тоифасига эга бўлган эди.
Йилдан йилга Ўзбекистон тараққиёт ва фаровонлик йўлидан дадил қадам ташлашда давом этмоқда ва бу Президент Шавкат Мирзиёев томонидан илгари сурилган тараққиёт йўли нақадар чуқур ўйлангани ва содиқлигидан далолат беради. Мамлакатда сўнгги йилларда Президент раҳнамолигида амалга оширилган янги ислоҳотлар, шунингдек, кенг қамровда олиб борилаётган болалар ва мажбурий меҳнатдан фойдаланишни тақиқлаш сиёсати ва уларнинг қатъий амалга оширилаётгани туфайли Uztex Group бугунги кунда шундай натижаларга эришиб келмоқда ва энг юқори кўрсаткичларни қўлга киритди.
BSCI иш этикасининг 13 асосий талаби ва тамойилига мувофиқ Uztex Group МЧЖ ҚК барча тоифаларда аудит ўтказди ва энг юқори мутлақ А тоифасини олди:
1. Ижтимоий менежмент тизими
2. Ходимларни жалб қилиш ва ҳимоя қилиш
3. Уюшмалар эркинлиги ва жамоавий битимлар тўғрисидаги қонун
4. Камситмаслик
5. Адолатли мукофот
6. Оддий иш вақти
7. Касбий саломатлик ва хавфсизлик
8. Болалар меҳнатидан фойдаланишни тақиқлаш
9. Ёш ишчилар учун махсус ҳимоя
10. Ишдан бош тортиш
11. Мажбурий меҳнатни тақиқлаш
12. Атроф-муҳитни муҳофаза қилиш
13. Бизнес юритишнинг ахлоқий асослари
BSCI аъзолари батафсил аудит ҳисоботини «www.bsciplatform.org» платформасида кўришингиз мумкин.
Сайтимиз: «uztex.uz»
Реклама ҳуқуқи асосида.
Изоҳ (0)