«Микрокредитбанк» АТБ бошқаруви раиси ўринбосари Т.Атамуродов томонидан 2019 йилнинг 28 август куни Андижон вилоятининг Андижон шаҳрида ҳамда Бўз туманида фаолият юритиб келаётган кичик бизнес ва тадбиркорлик субъектлари билан сайёр учрашув ташкил этди.
Учрашув давомида, тадбиркорларга Ўзбекистон Республикаси Президенти томонидан қабул қилинган янги фармон ва қарорлар, Республика миқёсида олиб борилаётган ишлар ва устувор вазифаларни амалга оширишда банкларнинг ўрни ва роли тўғрисида батафсил маълумотлар берилди.Бундан ташқари, тадбиркорларнинг тадбиркорлик фаолиятида юзага келаётган муаммоларни жойида ўрганиш ва бартараф этиш, уларнинг турмуш тарзини яхшилаш, бу борада банк филиаллари томонидан кўрсатилаётган янги хизматлар МКБ мобайл, мобил банк, онлайн кредит ва омонатлар, шунингдек, хорижий кредит линияларини ўзлаштириш бўйича тадбиркорлик субъектларига берилаётган имтиёзлар борасида ҳам атрофлича маълумотлар берилди.
150 дан ортиқ тадбиркорлар иштирок этган мазкур учрашувларда 24 нафар тадбиркорнинг мурожаатлари ўрганиб чиқилди ва 14 нафар тадбиркорнинг масалалари учрашув давомида ўз ечимини топди, қўшимча ўрганиш талаб этилган мурожаатлар ижроси юзасидан тегишли масъуллар бириктирилиб, ижроси назоратга олинди.
Реклама ҳуқуқи асосида.
Изоҳ (0)